site
stats
اہم ترین

وزیراعظم کی زیرصدارت اعلیٰ سطح کا مشاورتی اجلاس

اسلام آباد: وزیراعظم نوازشریف کی زیرصدارت اعلی سطح کا مشاورتی اجلاس ہوا، جس میں وفاقی وزراء نے شرکت کی، وزیر دفاع خواجہ آصف نے کہا کہ ریڈ زون جانے سے پاکستان کا تشخص مجروح ہوگا۔

اسلام آباد کی سنگین صورتحال پر وزیر اعظم اپنے رُفقا کے ہمراہ سر جوڑ کر بیٹھ گئے، اجلاس میں وفاقی وزراء خواجہ آصف، چوہدری نثار، پرویز رشید، احسن اقبال، عبدالقادر بلوچ شریک ہوئے۔

عمران خان کے ریڈ زون میں داخلہ اور طاہرالقادری کے عوامی پارلیمنٹ کے انعقاد کے اعلان سے بگڑتی صورت حال اور ریڈ زون کی سیکیورٹی سے متعلق وزیراعظم کی زیرصدارت اہم اجلاس ہوا، اجلاس میں ریڈ زون کی سیکیورٹی سے متعلق تبادلہ خیال کیا گیا۔

وزیراعظم ہاؤس میں ہونے والے اجلاس میں  ریڈ زون کی سیکیورٹی اور دھرنوں کے شرکاء کی متعلقہ علاقے میں آمد کو روکنے سے متعلق  حکمت عملی پر غور کیا گیا جبکہ وزیر داخلہ نے دھرنوں کی سیکیورٹی پلاننگ سے متعلق آگاہ کیا۔

ذرائع کا کہنا ہے کہ پی ٹی آئی اور پی اے ٹی سے رابطوں پر بھی غور کیا گیا جبکہ عمران خان اور طاہر القادری کی ڈیڈ لائن پر بھی زیر غور کیا گیا۔

وزیر دفاع خواجہ آصف کا کہنا ہے کہ ریڈ زون کا مکمل تحفظ کیا جائے گا، کسی کو ریڈ زون کی طرف جانے کی اجازت نہیں دینگے، سیکورٹی ایجنسیاں ریڈ زون کی تحفظ کےلیے تیار ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top