وزیراعظم کی ہدایت پرحالیہ پٹرول بحران پر تفتیش جاری ہے، وزیرپٹرولیم -
The news is by your side.

Advertisement

وزیراعظم کی ہدایت پرحالیہ پٹرول بحران پر تفتیش جاری ہے، وزیرپٹرولیم

اسلام آباد: وفاقی وزیرپٹرولیم شاہد خاقان عباسی نے ان خبروں کی تردید کی ہے کہ فروری میں ملک میں دوبارہ پیٹرولیم بحران پیدا ہوسکتا ہے۔

اسلام آباد میں صحافیوں سے گفتگو کرتے ہوئے ان کا کہنا تھا کہ افواہوں سے عوام میں تشویش پھیلتی ہے اور وہ پیٹرول کی ہنگامی خریداری شروع کردیتے ہیں جس سے صورت حال سنگین ہوجاتی ہے۔ ملک میں اس وقت پیٹرولیم مصنوعات وافرمقدار میں موجودہیں۔

 انہوں نے کہا کہ حکومت نے حالیہ بحران سے سبق سیکھا ہے اور اس کو مد نظر رکھتے ہوئے آئندہ کے لیے انتظامات کیے گئے ہیں۔

 شاہد خاقان عباسی نے بتایا کہ حکومت ایک لیٹر پٹرول کی قیمت ایک کلو سی این جی کے برابر لا رہی ہے،مارچ سے صا رفین کو ایل این جی مستقل اور بلاتعطل دستیاب ہو گی جو نجی شعبہ باہر سے درآمد کرے گا۔

 ان کا کہنا تھا کہ وزیراعظم کی ہدایت پرحالیہ پٹرول بحران پر تفتیش جاری ہے اور ان سے ابھی تک کسی نے استعفی نہیں مانگا گیا ہے۔

Comments

comments

یہ بھی پڑھیں