وزیراعظم کےغیرآئینی استعفی پراصرارنہ کیا جائے، اے پی سی -
The news is by your side.

Advertisement

وزیراعظم کےغیرآئینی استعفی پراصرارنہ کیا جائے، اے پی سی

پشاور: ملک میں جاری سیاسی صورتحال پر پشاور میں جمیعت العلمائےاسلام کے زیراہتمام آل پارٹیز کانفرنس ہوئی۔

 آل پارٹیز کانفرنس میں رہنماؤں نے تحریک انصاف اور پاکستان عوامی تحریک سے وزیراعظم سے غیرآئینی استعفے پراصرارنہ کرنے کا مطالبہ کیا۔

جے یو آئی کے صوبائی سیکریٹریٹ میں آل پارٹیز کانفرنس میں پاکستان پیپلزپارٹی، اے این پی، جماعت اسلامی، مسلم لیگ ن اور مسلم لیگ ق سمیت بارہ جماعتوں کے صوبائی قائدین نے شرکت کی، اے پی سی کے مشترکہ اعلامیے میں وزیراعظم سے غیر آئینی استعفے پر اصرارنہ کرنے کا مطالبہ کیا گیا ہے۔

اعلامیے میں آئین کے تحفظ کو یقینی بنانے، تقریباً تمام مطالبات تسلیم ہوجانے پراحتجاج ختم کرنے اور پارلیمنٹ سمیت تمام اداروں کو کام کرنے دیئے جانے کے مطالبات کئے گئے ہیں۔

اعلامیےمیں کہا گیا ہےکہ اس میں کوئی شک نہیں کہ انتخابات میں ہمیشہ دھاندلی ہوئی لیکن اسمبلی میں آنے اور ایک صوبے میں حکومت بنانے کے بعد پی ٹی آئی کی جانب سے اسمبلیوں کو جعلی قراردیا جا رہا ہے۔

اعلامیے میں یہ بھی کہا گیا ہے کہ احتجاج کا غیرجمہوری اورغیر سیاسی طریقہ اختیار کیا گیا ہے۔

Comments

comments

یہ بھی پڑھیں