وزیرستان میں دہشتگردوں کا کمانڈ کنٹرول سسٹم ناکارہ بنا دیا گیا،وزیر دفاع -
The news is by your side.

Advertisement

وزیرستان میں دہشتگردوں کا کمانڈ کنٹرول سسٹم ناکارہ بنا دیا گیا،وزیر دفاع

اسلام آباد: وزیردفاع خواجہ آصف نےکہا ہے کہ دہشتگردوں کا کمانڈ اینڈ کنٹرول سسٹم ناکارہ بنا دیا گیا ہے اور ان کا نیٹ ورک تیزی سے ختم کیا جارہا ہے۔

وزیردفاع خواجہ آصف نےوزیرستان میں دہشت گردوں کا کمانڈ اینڈ کنٹرول سینٹرختم کرنے کادعویٰ کیا ہے،  خواجہ آصف نےکہا کہ آپریشن ضرب عضب کے باعث دہشت گرد بھاگ رہے ہیں اور مسلح افواج اُن کاتعاقب کر رہی ہیں، دہشت گرد جہاں کہیں بھی چھپے ہیں، انہیں ڈھونڈ نکالیں گے اوران کا ملک بھر میں خاتمہ کیا جائے گا۔

وزیر دفاع کا کہنا تھا کہ دہشت گردوں کے نیٹ ورکس کو تیزی کے ساتھ ختم کیا جا رہا ہے، جمہوری ملک میں شدت پسندی اور عسکریت پسندی کی کوئی گنجائش نہیں ہے اور دہشت گردوں کا تمام صوبوں میں تعاقب کیا جائے گا۔

انہوں نے کہا کہ سول اور ملٹری انٹیلی جنس ایجنسیوں اور قانون نافذ کرنے والے اداروں کے درمیان روابط کو مزید مؤثر بنایا جارہا ہے۔

Comments

comments

یہ بھی پڑھیں