The news is by your side.

Advertisement

وزیرِاعظم نوازشریف آج ملک کے پہلے سولر انرجی پلانٹ کا افتتاح کریں گے

اسلام آباد: وزیرِاعظم نواز شریف آج پاکستان کے شمسی توانائی سے چلنے والے پہلے بجلی گھر قائداعظم سولر پارک کا افتتاح کریں گے۔

لوڈشیڈنگ سے نمٹنے کے لیے توانائی کے متبادل ذرائع کے میدان میں پہلا قدم رکھ دیا گیا ہے، بہاولپور میں شمسی توانائی سے بجلی کی پیداوار کا پہلا منصوبہ ملکی دستیاب وسائل سے مکمل کرلیا گیا ہے۔

وزیراعظم نواز شریف آج قائداعظم سولر پارک کا افتتاح کریں گے، اس منصوبے سے سومیگا واٹ بجلی سسٹم میں شامل ہوگی۔

قائداعظم سولر پارک میں چین کے تعاون سے نو سو میگا واٹ کے منصوبے کا آغاز بھی کیا جارہا ہے۔

حکام کا کہنا ہے کہ اس منصوبے کی تکمیل سے سستی بجلی کا حصول ممکن ہوگا اور تونائی بحران میں واضح کمی واقع ہوگی، حکومت کا توانائی بحران سے نجات کے لیے شمسی توانائی سے بجلی کا حصول خوش آئند قرار دیا جارہا ہے۔

Comments

comments

یہ بھی پڑھیں