وزیرِاعظم نوازشریف دو روزہ دورے پرآج جرمنی روانہ ہوں گے -
The news is by your side.

Advertisement

وزیرِاعظم نوازشریف دو روزہ دورے پرآج جرمنی روانہ ہوں گے

اسلام آباد: وزیرِاعظم نوازشریف دو روزہ سرکاری دورے پرآج جرمنی روانہ ہوں گے، وزیرِاعظم پاکستان نواز شریف کا کہنا ہے کہ وہ افغان صدر کے دورہ پاکستان کے منتظر ہیں، دہشت گردی کا خاتمہ پاکستان اور افغانستان کے مفاد میں ہے۔

دفترِخارجہ کی جانب سے جاری کیے گئے بیان کے مطابق وزیرِاعظم جرمن چانسلر انجیلا مرکل کی دعوت پر آج جرمنی روانہ ہو رہے ہیں، اپنے دو روزہ دورے کے دوران وزیرِاعظم جرمن تاجروں اور سرمایہ کاروں سے بھی خطاب کریں گے۔

دفترخارجہ کا کہنا ہے کہ وزیرِاعظم کے دورے سے پاک جرمنی تعلقا ت مضبوط ہوں گے۔

وزیرِاعظم نوازشریف کا کہنا تھا کہ وہ افغان صدر کے دورۂ پاکستان کے منتظر ہیں، دہشت گردی کا خاتمہ پاکستان اورافغانستان کےمفاد میں ہے، مستحکم افغانستان کیلئے ہر ممکن تعاون فراہم کریں گے، معاشی ترقی حکومت کی اولین ترجیحات ہے۔

Comments

comments

یہ بھی پڑھیں