site
stats
اہم ترین

وزیرِاعظم نوازشریف نے اثاثوں کی تفصیلات الیکشن کمیشن کوجمع کرادیں

اسلام آباد: وزیرِاعظم نوازشریف نے اثاثوں کی تفصیلات الیکشن کمیشن کوجمع کرادیں ہیں، وزیرِاعلی سندھ قائم علی شاہ، وزیرِاعلی  پنجاب شہبازشریف اور وزیرِاعلی خیبر پختونخواہ پرویزخٹک نے تاحال تفصیلات پیش نہیں کیں، الیکشن کمیشن کے اہم اجلاس میں انتخابی دھاندلیوں کا جائرہ لیا جارہا ہے۔

الیکشن کمیشن کے مطابق قومی اور صوبائی اسمبلیوں کے گیارہ سو چوہتر اراکین میں سے اب تک صرف دو سو اکہتر ارکان نے تفصیلات جمع کرائی ہیں، وزیرِاعظم نوازشریف نے مقررہ تاریخ ختم ہونے سے چار روز پہلے اثاثوں کی تفصیلات الیکشن کمیشن کو فراہم کردیں ہیں۔

الیکشن کمیشن ذرائع کے مطابق پنجاب سندھ اور خیبرپختونخوا کے وزرائے اعلی نے تاحال اثاثوں کی تفصیلات سے آگاہ نہیں کیا جبکہ وزیراعلی بلوچستان ڈاکٹر عبدالمالک نے تفصیلات پیش کردیں ہیں۔

اثاثوں کی تفصیلات فراہم کرنے والوں میں سے سینیٹ کے بیالیس اور قومی اسمبلی کے تیرانوے ارکان شامل ہیں، پنجاب اسمبلی کے اکیاون، سندھ اسمبلی کے اکیاون، کے پی کے اٹھائیس جبکہ بلوچستان اسمبلی کے دس اراکین نے اثاثوں کی تفصیلات جمع کرائیں۔

الیکشن کمیشن کے ہونے والے اہم اجلاس میں انتخابی دھاندلیوں سے متعلق الزامات کا جائزہ بھی لیا گیا، جس میں مقناطیسی سیاہی کے استعمال کی رپورٹ اور انتخابی اصلاحات سمیت بلدیاتی انتخابات پر مشاورت کی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top