site
stats
اہم ترین

وزیرِاعظم نواز شریف سے گورنر پنجاب چوہدری محمد سرور کی ملاقات

اسلام آباد: وزیرِاعظم نواز شریف سے گورنر پنجاب چوہدری محمد سرور کی ملاقات ہوئی، ملاقات کے دوران ملکی سیاسی صورتحال ، دھرنوں اور سیاسی جلسوں پر تبادلہ خیال کیا۔

وزیرِاعظم نواز شریف سے گورنر پنجاب چوہدری محمد سرور نے ملاقات کی، ملاقات میں ملک میں جاری سیاسی صورتحال اور اس کے حل پر تبادلہ خیال کیا گیا، وزیرِ اعظم نے سیاسی تناﺅ میں کمی کے لیے گورنر پنجاب کی کوششوں کی تعریف کی اور کہا ہے کہ مذاکراتی عمل میں انکا کردار قابل تعریف ہے۔

ذرائع کے مطابق گورنر پنجاب نے صورتحال کو بہتر بنانے کے لیے مذاکرات پر زور دیا، اس موقع پر گورنر پنجاب نے وزیرِاعظم سے کہا ہے کہ پنجاب حکومت میں جو ماحول انہیں دیا گیا ہے، وہ خود کو اس میں پُر سکون محسوس نہیں کر رہے ہیں۔

وزیرِاعظم نے گورنر پنجاب کو یقین دہانی کرائی کہ سماجی اور معاشرتی بہتری کے کاموں مکمل تعاون فراہم کیا جائے گا ۔

وزیرِاعظم نے گورنر پنجاب کی سماجی بہتری کے کاموں میں بڑھ چڑھ کر حصہ لینے کی تعریف کی اور کہا کہ عام لوگوں کو تعلیم ، پینے کے صاف پانی کی فراہمی کے کاموں میں انکے جاری غیر سرکاری فلاحی منصوبوں کی تکمیل کے لیے بھر پور تعاون کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top