The news is by your side.

Advertisement

سیاسی جماعتوں کے ساتھ رابطوں کا سلسلہ تیز کیا جائے، وزیرِاعظم

اسلام آباد :وزیرِاعظم نوازشریف سے سینیٹ انتخابات کے طریقہ کار میں تبدیلی اور سیاسی رابطوں کیلئے قائم کابینہ کمیٹی نے ملاقات کی، وزیرِاعظم نے کمیٹی کو سیاسی جماعتوں سے رابطے تیز کرنے کی ہدایت کردی۔

کابینہ کمیٹیاں سینٹ الیکشن میں ہارس ٹریڈنگ روکنے اور آئین میں ترمیم کے لئے سیاسی جماعتوں سے رابطوں کے لئے تشکیل دی گئی تھیں۔

وزیرِاعظم سے سیاسی رابطوں کے لئے کابینہ کمیٹی نے ملاقات کی، رابطوں سے متعلق  رپورٹ وزیرِاعظم کو پیش کی۔ ملاقات کے دوران وزیرِاعظم نے کمیٹی کو سیاسی جماعتوں کے ساتھ رابطوں کا سلسلہ تیز کرنے کی ہدایت کی۔

وزیرِاعظم نواز شریف کا کہنا تھا کہ سینیٹ انتخابات سے قبل ہارس ٹریڈنگ روکنےکے لئے مؤثر اقدامات کئے جائیں اور آئین میں ترمیم کی جائے۔

ملاقات میں فیصلہ کیا گیا کہ سیاسی جماعتوں کی قیادت سے وزیرِاعظم خود رابطہ کریں گے، ملاقات کے دوران کابینہ کمیٹی نے وزیرِاعظم کو سینیٹ انتخابات کے حوالے سے کیے گئے اقدامات سے آگاہ کیا۔

وزیراعظم نے ہدایت کی کہ سینیٹ انتخابات کے طریقہ کار سے متعلق امور پر سیاسی جماعتوں کو اعتماد میں لیا جائے۔

وزیرِاعظم سے مہتاب عباسی ، احسن اقبال ، سعد رفیق ، انوشے رحمان ، خواجہ ظہیر ، اسحاق ڈار، جام کمال ، بیرسٹر ظفر اللہ نے ملاقات کی

Print Friendly, PDF & Email

Comments

comments

یہ بھی پڑھیں