وزیرِاعظم نے بجلی کی قیمت میں کیا گیا اضافہ واپس لے لیا -
The news is by your side.

Advertisement

وزیرِاعظم نے بجلی کی قیمت میں کیا گیا اضافہ واپس لے لیا

اسلام آباد: دھرنوں اور عوامی احتجاج کے خوف نے حکومت کو یوٹرن لینے پر مجبور کردیا،  چپکے سے بجلی کی قیمت میں کیا گیا اضافہ خاموشی سے واپس لےلیا گیا ہے۔

پہلے وفاقی حکومت نےعوام پر چپکےسے بجلی کا بم گرایا، ایکولائیزر چارجزکے نام پر عوام کی کمر پر ایک اور مالی بوجھ لاد دیا گیا، نیپرا نے پھرتی دکھائی اور29پیسےفی یونٹ سرچارج کی وصولی کانوٹیفکیشن بھی جاری کردیا۔

جس کا عمران خان نے دھرنے میں بھانڈا پھوڑا اور اس کےخلاف ملک گیر احتجاج کی دھمکی بھی دے ڈالی، جس کے بعد آئی ایم ایف کی شرط پوری کرنے اور قرضہ لینے کیلئے بےتاب حکومت سوچ میں پٰڑگئی ۔

اڑتالیس گھنٹے بعد وزیرِاعظم نواز شریف کی جانب سے حکم نامہ جاری کیا گیا، جس میں سرکاری ٹی وی کے مطابق بجلی کے نرخ نہ بڑھا نےکی ہدایت کی گئی ہے اور وجہ یہ بتائی گئی ہے کہ عوام کی سہولت کیلئے بجلی کےموجود ہ نرخ برقرار رکھےجائیں گے جبکہ گھریلو اور زرعی صارفین پر سبسڈی بھی برقرار رکھی جائےگی

Comments

comments

یہ بھی پڑھیں