The news is by your side.

Advertisement

وزیرِاعظم کا دورۂ سعودی عرب، پی آئی اے سے بوئنگ 777 طیارے کی فرمائش

اسلام آباد: وزیرِاعظم نواز شریف چار مارچ سے سعودی عرب کا ایک اور دورہ کرنے جارہے ہیں، جس کے لئے وزیرِاعظم  نے پی آئی اے سے بوئنگ ٹرپل سیون طیارے کی فرمائش کردی ہے۔

وزیرِاعظم چار مارچ سے سعودی عرب کا ایک اور دورہ فرمائیں گے اور اس کے لئے قومی ائیر لائن سے ایک چھوٹی سی فرمائش کی گئی ہے کہ وزیراعظم اور اُن کے وفد کیلئے بوئنگ ٹرپل سیون طیارہ فراہم کیا جائے۔

ماضی میں بھی تو ایسا ہوتا رہا ہے اب اگر طیارے کو شاہی سواری میں تبدیل کرنے اور وزیرِاعظم کے دورے پر قومی خزانے سے چار پانچ کروڑ روپے خرچ ہوگئے تو کون سی قیامت آجائیگی۔

محض دو گھنٹے کے سفر کو ہر طرح آرام دہ اور یاد گار بھی تو بنانا ہے، کیا ہوا اگر پاکستان کا ہر پیدا ہونے والا بچہ نوے ہزار کا مقروض ہوتا ہے۔

بقول شخص کے وزیرِاعظم نوازشریف بادشاہ آدمی ہیں، بادشاہ کی مرضی وہ بہترین کھانوں کی فرمائش کرے یا بہترین طیارے کی۔

Print Friendly, PDF & Email

Comments

comments

یہ بھی پڑھیں