site
stats
اہم ترین

وزیرِاعظم کے دورۂ امریکا کے اخراجات کی تفصیل طلب

لاہور: وزیرِاعظم نواز شریف کے بیرون ملک دوروں پر پابندی کی درخواست کی سماعت میں لاہور ہائیکورٹ نے وفاقی حکومت سے وزیرِاعظم کے دورہ امریکا کے اخراجات کی تفصیلات طلب کرلیں ہیں۔

جسٹس منصور علی شاہ نے وزیرِاعظم نواز شریف کے غیرملکی دوروں کے حوالے سے درخواست کی سماعت کی، درخواست گزار بیرسٹر جاوید اقبال جعفری نے مؤقف اپنایا کہ وزیرِاعظم آئے روز بیرون ملک دورے کرتے ہیں اور وہاں مہنگے ہوٹلوں میں قیام کرتے ہیں، جس سے قومی خزانے پر بوجھ پڑرہا ہے۔

درخواست گزار نے عدالت کو بتایا کہ وزیرِاعظم نواز شریف کا چین ، برطانیہ اور ترکی میں ذاتی کاروبار ہے اور وہ کاروباری معاملات کی نگرانی کیلئے بھی سرکاری خرچ پر دورے کرتے ہیں، اس لئے استدعا ہے کہ وزیرِاعظم نواز شریف کے بیرون ملک دوروں پر پابندی عائد کی جائے۔

عدالت نےدلائل سننے کے بعد وزیرِاعظم کے دورہ امریکا کے اخراجات کی تفصیلات طلب کرتے ہوئے سماعت چھ نومبر تک ملتوی کر دی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top