The news is by your side.

Advertisement

وزیرِاعظم کے دورۂ امریکہ پر یومیہ 80لاکھ روپے خرچ کئے جائیں گے

اسلام آباد: وزیرِاعظم نواز شریف کے دورہء امریکہ پر یومیہ اسی لاکھ روپے خرچ کئے جائیں گے جبکہ نواز شریف کا اقوام متحدہ میں خطاب قوم کو پانچ کروڑ ساٹھ لاکھ میں پڑے گا۔

وزیرِاعظم نواز شریف اقوام متحدہ کی جنرل اسمبلی سے خطاب کے لئے سات روزہ دورے پر نیویارک جائیں گے، وزیرِاعظم کے نیویارک کے سات روزہ دورے کیلئے وزارتِ خارجہ نے تین کروڑ چورانوے لاکھ کے بجٹ کی منظوری دی تاہم سفری اخراجات ملا کر رقم پانچ کروڑ ساٹھ لاکھ سے تجاوز کر جائیگی۔

سیلاب سے متاثرہ قوم کی نمائندگی کرنے والے وزیرِاعظم کا یومیہ خرچہ اسی لاکھ روپے ہوگا۔

وزیرِاعظم ہاؤس کے مطابق نواز شریف چھوٹے جہازکے ذریعے امریکا جائیں گے، وزیراعظم ہاؤس کے ترجمان کا کہنا ہے کہ دورہ کی اہمیت کے اعتبار سے خرچہ زیادہ نہیں، دورے میں وزیرِاعظم کے ہمراہ بیگم کلثوم نواز، طارق فاطمی جبکہ ذاتی اور حفاظتی عملہ بھی ہوگا۔

Print Friendly, PDF & Email

Comments

comments

یہ بھی پڑھیں