The news is by your side.

Advertisement

وزیرِاعلیٰ سندھ شکارپور میں آج اہم اجلاس کی صدارت کریں گے

شکارپور :وزیرِاعلیٰ سندھ سید قائم علی شاہ نے شکار پور پہنچتے ہی جائے حادثہ کا دورہ کیا جبکہ سانحے پر شکارپور میں آج اہم اجلاس طلب کرلیا ہے۔

وزیراعلیٰ سندھ قائم علی شاہ شکار پور پہنچے، جہاں انہوں نے جائے حادثہ کا دورہ کیا اور سانحے میں شہید اور زخمیوں کےاہل خانہ سے ملاقات کی، وزیرِاعلیٰ نے شہید افراد کے لواحقین کیلئے بیس لاکھ اور زخمیوں کو دولاکھ روپے کی امداد کا اعلان کیا، وزیرِاعلی سندھ آج سانحہ شکار پور پراہم اجلاس کی صدارت کریں گے۔

اجلاس میں جامع سیکیورٹی کے حوالے سے حکمت عملی مرتب کی جائےگی جبکہ وزیرِاعلی کودھماکےسےمتعلق تفصیلی بریفنگ دی جائے گی۔

یاد رہے گزشتہ روز شکار پور کی امام بارگاہ اور مسجد میں جمعے کی نماز کے دوران زور دار دھماکے ہوا، جس کے نتیجے میں 58 افراد شہید ہوگئے ، دھماکا اس وقت ہوا جب مسجد نمازیوں سے بھری ہوئی تھی، دھماکے میں کئی افراد موقع پر ہی جاں بحق ہوگئے تھے۔

دھماکہ کے بعد افراتفری پھیل گئی، دھماکے سے مسجد کی چھت منہدم ہوگئی جب کہ قریبی عمارتوں کو بھی شدید نقصان پہنچا، مجلس وحدت المسلمین نے تین روزہ سوگ کا اعلان کردیا تھا، جس کی ایم کیو ایم اور پیپلز پارٹی نے حمایت کی تھی۔

Print Friendly, PDF & Email

Comments

comments

یہ بھی پڑھیں