The news is by your side.

Advertisement

وزیر اعظم نواز شریف کا آبپارہ اور جی ٹین مرکز مارکیٹ کا دورہ

اسلام آباد: وزیر اعظم نواز شریف نے کہا ہے کہ حکومت نے عوام کے دیرینہ مسائل کے حل کے لیے بھرپور اقدامات کیے ہیں۔

 اسلام آباد کے تجارتی مراکز کے دورے کے موقع پر گفتگو کرتے ہوئے وزیر اعظم کا کہنا تھا۔ موجودہ دور حکومت میں ہی بجلی اور گیس کی لوڈ شیڈنگ ختم ہوجائے گی،وزیراعظم نواز شریف نے آج اچانک اسلام آباد کے اہم تجارتی مراکز کے دورے کیے۔

 اس موقع پر شہریوں نے پیٹرولیم مصنوعات کی قیمتیں کم کرنے پر وزیراعظم کو خراج تحسین پیش کیا۔ ساتھ ہی اشیائے خور و نوش کی قیمتیں کم نہ ہونے کا شکوہ بھی کیا۔

 حکومتی ترجمان کے مطابق وزیر اعظم اچانک آبپارہ مارکیٹ اور جی ٹین مرکز پہنچے جہاں وہ عوام میں گھل مل گئے۔ وزیر اعظم نے شہریوں سے اشیائے خور و نوش کی قیمتوں سے متعلق دریافت کیا۔

وزیر اعظم نواز شریف کا کہنا تھا کہ پیٹرولیم مصنوعات کی قیمتوں میں کمی پر عوام کو واضح ریلیف ملنا چاہیے۔

Print Friendly, PDF & Email

Comments

comments

یہ بھی پڑھیں