site
stats
پاکستان

وزیر اعلیٰ پنجاب شہباز شریف چین روانہ ہوگئے

اسلام آباد: وزیر اعلیٰ پنجاب شہباز شریف چین روانہ ہوگئے ہیں، ملک کی موجودہ سیاسی میں ان کے دورہ چین کو نہایت اہمیت کا حامل قرار دیا جارہا ہے۔

وزیراعلیٰ پنجاب شہباز شریف گیارہ رکنی وفد کے ہمراہ چین روانہ ہوگئے، ذرائع کے مطابق وزیراعلیٰ پنجاب کے ساتھ وفد میں وزیراعلی بلوچستان عبدالمالک بلوچ، وفاقی وزیر احسن اقبال اور سندھ کے سینیئر وزیر مرادعلی شاہ بھی شامل ہیں۔

وفد چین میں اعلی قیادت سے دو طرفہ معاملات پر ملاقاتیں کرے گا اور پاک چین اقتصادی راہداری کے معاہدے کو بھی حتمی شکل دی جائے گی۔

اگرچہ پاکستان میں جاری سیاسی بحران کی وجہ سے چینی صدر نے اپنا طے شدہ دورہ پاکستان منسوخ کر دیا تھا لیکن وزیر اعلیٰ پنجاب شہباز شریف اس بحران کو خاطر میں نہ لاتے ہوئے چین روانہ ہوگئے ہیں، جس کو موجودہ ملکی سیاسی صورتحال اہم سمجھا جارہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top