وزیر داخلہ پنجاب کا لاہور آپریشن میں پاکستان القاعدہ کے سربراہ ابدالی کو مارنے کا دعوی -
The news is by your side.

Advertisement

وزیر داخلہ پنجاب کا لاہور آپریشن میں پاکستان القاعدہ کے سربراہ ابدالی کو مارنے کا دعوی

لاہور: وزیرِ داخلہ پنجاب نے لاہور آپریشن میں پاکستان القاعدہ کے سربراہ ابدالی کو مارنے کا دعوی کیا ہے، شجاع خانزادہ کا کہنا ہے کہ دہشتگردوں کا ہدف آئی بی ہیڈ کوارٹرز تھا۔

لاہور میں تین روز قبل مارے جانے والے دہشتگردوں کی شناخت ہوگئی، وزیر داخلہ پنجاب کا کہنا ہے کہ دہشتگردوں کا تعلق القاعدہ سے تھا، جو لاہور میں تباہی پھیلانا چاہتے تھے، افغانستان سے تربیت لیکر وانا کے راستے لاہور آئے۔

  وزیرِ داخلہ نے میڈیا کو بریفنگ دیتے ہوئے بتایا کہ دہشت گرد کالا شاہ کاکو کے مکان میں روپوش تھے، انٹیلیجنس اداروں نے خفیہ اطلاع پر بروقت کارروائی کر کے ان کےناپاک عزائم خاک میں ملائے  آپریشن کے دوران القاعدہ پاکستان کے سربراہ سمیت چار دہشتگرد مارے گئے، جبکہ دو زخمی حالت میں پکڑے گئے جن میں ایک کمسن خودکش بمبار بھی ہے۔

  شجاع خانزادہ نے کہا کہ کامیاب آپریشن دہشتگردوں کیلئے سبق ہے۔

Comments

comments

یہ بھی پڑھیں