وفاقی حکومت کا تحریک انصاف کو آزادی مارچ کی اجازت دینے کا فیصلہ -
The news is by your side.

Advertisement

وفاقی حکومت کا تحریک انصاف کو آزادی مارچ کی اجازت دینے کا فیصلہ

اسلام آباد: وفاقی حکومت نے تحریک انصاف کے آزادی مارچ کو اسلام آباد میں داخلے کی اجازت دیدی ہے۔

وزیر اعظم ہاوس میں میاں نواز شریف سے چوہدری نثار کی مشاورت کے بعد تحریک انصاف کو آزادی مارچ کی اجازت دینے کا فیصلہ کیا گیا، ذرائع کا کہنا ہے کہ وزیر اعظم محمد نوازشریف کے حکم پر وزیراطلاعات پرویز رشید نے جماعت اسلامی کے امیر سراج الحق کو ٹیلی فون کیا اور وزیراعظم کا پیغام پہنچایا کہ ان کے کہنے پر تحریک انصاف کو آزادی مارچ کی اجازت دی گئی، انہوں نے مزید کہا کہ سراج الحق کے کہنے پر ہی جوڈیشل کمیشن کا قیام عمل میں لا رہے ہیں۔

اس سے پہلے ایم کیوا یم کے قائد الطاف حسین نے حکومت سے مارچ کے شرکاٗ کیلئے رکاوٹیں ہٹانے کی اپیل کی تھی،جس پر وفاقی حکومت نے لندن میں ایم کیوایم کی قیادت سے رابطہ کیا اور وزیراعظم نوازشریف کا پیغام پہنچایا،اس ٹیلیفونک رابطے میں اپوزیشن کے لانگ مارچ کی راہ میں کھڑی رکاوٹیں ہٹانے کے بارے میں ایم کیوایم کی قیادت کو اعتماد میں لیا گیا،اس فیصلے پر ایم کیوایم نے وزیراعظم ، وفاقی وزیرداخلہ اور وفاقی کابینہ کےاراکین اور وزیراعلیٰ پنجاب میاں شہبازشریف کا شکریہ ادا کیا۔

Comments

comments

یہ بھی پڑھیں