The news is by your side.

Advertisement

صولت مرزا کو کل مچھ جیل میں پھانسی دی جائے گی

اسلام آباد: وفاقی حکومت نےصولت مرزاکی پھانسی پرعملدرآمد کرانے کافیصلہ کرلیا، صولت مرزا کو کل مچھ جیل میں پھانسی دی جائے گی، کوئٹہ سے جلاد مچھ جیل پہنچ گیا ہے۔

ذرائع کے مطابق صولت مرزا کے تہلکہ خیز میڈیا بیان کے بعد جے آئی ٹی نے جیل میں صولت مرزا سے پوچھ گچھ کی، جس کی رپورٹ وزارات داخلہ کو موصول ہوچکی ہے۔

رپورٹ میں کہا گیا ہے کہ صولت مرزا سے مزید پوچھ گچھ ، تحقیقات یا تفتیش کی ضرورت نہیں ہے، جس کے بعد یہ فیصلہ کیا گیا ہے کہ صولت مرزا کو مچھ جیل میں پھانسی دے دی جائے، صولت مرزا کو کل صبح ساڑھے پانچ بجے پھانسی دی جائے گی۔

مچھ جیل میں صولت مرزا کو پھانسی دینے کی تیاریاں مکمل کر لی گئیں ہیں، کوئٹہ سے جلاد بھی مچھ جیل پہنچ گیا ہے، صولت مرزا کی پھانسی دو بار پہلے ہی مؤخر ہوچکی ہے اور گزشتہ ہفتے اس کے تیسری بار ڈیتھ وارنٹ جاری کیے گئے۔

اس سے قبل سندھ ہائی کورٹ نے سزائے موت کے منتظرصولت مرزا کی بلیک وارنٹ مؤخر کرنے کی درخواست مسترد کردی تھی۔

واضح رہے کہ صولت مرزا کو کراچی الیکٹرک سپلائی کارپوریشن کے مینجنگ ڈائریکٹر شاہد حامد کے قتل کئے جرم میں سزائے موت سنائی گئی تھی۔

Comments

comments

یہ بھی پڑھیں