وہاڑی کے اسپتال میں سینکڑوں بچوں کی ہلاکت، وزیرِاعلیٰ کا نوٹس -
The news is by your side.

Advertisement

وہاڑی کے اسپتال میں سینکڑوں بچوں کی ہلاکت، وزیرِاعلیٰ کا نوٹس

وہاڑی: ڈسٹرکٹ اسپتال میں سات بچوں کی ہلاکتوں کی خبر نشر ہونے کے بعد وزیراعلیٰ پنجاب نے نوٹس لے کرمتعلقہ عملے کے خلاف مقدمہ درج کرلیا گیا ہے۔

وہاڑی کے ڈسٹرکٹ ہیڈ کوارٹراسپتال میں آکسیجن نہ ملنے کے باعث سات بچوں کی ہلاکت کے بعد اسی اسپتال میں ڈاکڑوں اور اسٹاف کی مبینہ غفلت کے باعث آئی سی یو وارڈ میں سالانہ سینکڑوں بچوں کی ہلاکتوں کا ہولناک انکشاف ہوا ہے۔

باوثوق ذرائع نے اے آروائی نیوز کو بتا یا کہ سال دوہزارتیرہ میں سات سو اسی بچے ہلا ک ہوئے جبکہ دوہزارچودہ میں اب تک اس مجرمانہ غفلت کے ہاتھوں چارسو نو مولود بچوں نے اس دنیا میں آنکھ کھولنے سے پہلے ہی ہمیشہ کیلئے آنکھ بند کرلیں۔

رواں سال صرف اگست کے مہینے میں اٹھاون نومولود بچوں کی ہلاکت ہوئی یہاں یہ با ت قابل ذکرہے کہ رات کی شفٹ میں بچوں کی اموات کی تعداددن دو شفٹوں کے مقابلے میں دوگنی ہے ۔

ذرائع کا کہنا ہے کہ آئی سی یو وارڈ میں داخل بچوں کو آکسیجن فراہم کرنے والے سیلنڈر اسی شفٹ میں تبدیل کیئے جاتے ہیں۔ اب تک وہاڑی کے ڈی ایچ کیو اسپتال میں ہزاروں والدین اپنے بچوں سے محروم ہوچُکے ہیں۔

Comments

comments

یہ بھی پڑھیں