site
stats
کھیل

ویسٹ انڈیز کو شکست: ساؤتھ افریقہ نے ون ڈے سیریز جیت لی

ڈربن : جنوبی افریقہ نے ویسٹ انڈیز کو پہلے ون ڈے میں ڈک ورتھ لوئس قانون کے تحت اکسٹھ رنز سے شکست دے کر پانچ میچز کی سیریز میں ایک صفر کی برتری حاصل کرلی۔

ڈربن میں کھیلے جانے والے میچ کا ٹاس جنوبی افریقہ نے جیت کر پہلے بیٹنگ کا فیصلہ کیا۔ میزبان ٹیم کا آغاز اچھا نہ رہا سولہ رنز پر دو وکٹیں گرنے کے بعد ہاشم آملہ اور ڈولئیرز نے محتاط انداز سے کھیلتے ہوئے تیسری وکٹ کے لئے ننانوے رنز کی شراکت قائم کی۔ دونوں بیسٹمینوں نے نصف سینچریاں اسکور کیں۔ ڈولئیرز نے اکیاسی اور ہاشم آملہ نے چھیاسٹھ رنزبنائے۔ ڈیوڈ ملر نے بھی ذمہ دارانہ بیٹنگ کرتے ہوئے ستر رنز اسکورکئے۔ بارش کے سبب جنوبی افریقہ نے اڑتالیس اعشاریہ دو اوورز میں دو سو اناسی رنزبنائے۔ جواب میں ویسٹ انڈیز کو جیت کیلئے بتیس اوورز میں دو سو چھبیس رنز کا ہدف ملا۔ کرس گیل کے عمدہ آغاز کے باوجود ویسٹ انڈین ٹیم مطلوبہ ہدف حاصل کرنے میں ناکام رہی اور ایک سو چونسٹھ رنزبناکر آؤٹ ہوگئی۔ گیل اکتالیس رنزبناکر نمایاں رہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top