ویڈیوز دیکھنے والوں کیلئے سام سنگ کی نئی ایپ متعارف -
The news is by your side.

Advertisement

ویڈیوز دیکھنے والوں کیلئے سام سنگ کی نئی ایپ متعارف

سیول: صارفین کو ان کی پسند کی ویڈیوز دکھانے کیلئے سام سنگ نے نئی ایپ متعارف کروادی ہے جو صارف کی دلچسپیوں پر نظر رکھتے ہوئے خود ہی اس کی تفریح کیلئے مناسب ترین ویڈیوز پیش کرے گی۔

اس سے پہلے کمپنی مِلک میوزک نامی ایپ متعارف کرواچکی ہے اور نئی ایپ اسی کی طرز پر سٹریمنگ ویڈیوز دکھائے گی، یہ وقت گزرنے کے ساتھ ساتھ صارف کے پسند سے واقف ہوتی جائے گی اور میوزک، کامیڈی، لائف اسٹائل اور تفریحی ویڈیوز کو علیحدہ علیحدہ گروپوں میں تقسیم کرکے پیش کرے گی۔

یہ ایپ متعلقہ ویڈیوز کو انٹرنیٹ کی لاکھوں کی ویب سائٹوں سے اکٹھا کرے گی جبکہ سام سنگ کی طرف سے ایکسلوزو ویڈیوز بھی پیش کی جائیں گی یعنی جو کسی بھی اور ویب سائٹ پر دستیاب نہ ہوں گی۔

یہ ایپ سام سنگ گلیکسی نوٹ ٹو، نوٹ تھری، نوٹ فور، گلیکسی میگا، گلیکسی ایچ فیبلٹ، گلیکسی ایس تھری، ایس فور اور ایس فائیو موبائل فون کیلئے امریکہ میں پیش کی جاچکی ہے جبکہ دیگر ممالک میں اس کی آمد جلد متوقع ہے۔

Comments

comments

یہ بھی پڑھیں