The news is by your side.

Advertisement

ویہاڑی: بس اورٹرک میں تصادم، 2 جاں بحق 4 زخمی

ویہاڑی: کنڈور کے علاقے میں ہائی وے پرٹریفک حادثہ پیش آیا جس کے نتیجے میں دو نوجوان جاں بحق جبکہ چار افراد زخمی ہوئے ہیں۔

تفصیلات کے مطابق حادثہ ملتان روڈ پر ویہاڑی سے 12 کلومیٹر دورکنڈور کے علاقے میں پیش آیا جہاں ایک تیزرفتاربس اور ٹرک کے درمیان تصادم ہوا۔

تصادم کے نتیجے میں دو نوجوان جن کی عمریں 20 اور 22 سال بتائی گئیں موقع پرہی دم توڑ گئے جبکہ 4افراد اس سانحے میں زخمی ہوئے ہیں۔

زخمی افراد کو ریسکیو 1122 نے ڈسٹرکٹ اسپتال ویہاڑی منتقل کردیا ہے جہاں ان کی حالت خطرے سے باہربتائی جارہی ہے۔

پولیس نے جائے وقوعہ پر پہنچ کر متاثرہ بس اور ٹرک کو تحویل میں لے لیا ہے اورواقعے کی ابتدائی تفتیش جاری ہے۔

Print Friendly, PDF & Email

Comments

comments

یہ بھی پڑھیں