site
stats
پاکستان

پی آئی اے میں قوانین کی خلاف ورزی‘ سینئر افسران کا عدالت سے رجوع کرنے کا فیصلہ

PIA

کراچی: قومی ایئر لائن میں مرکزی عہدوں پر جونیئر افسران کی تعیناتی پر سینئر افسران میں بے چینی پھیل گئی ہے‘ بعض افسران نے عدالت سے رجوع کرنے کا فیصلہ کیا ہے۔

تفصیلات کے مطابق پی آئی اے میں قوانین کی سنگین خلاف ورزیاں جاری ہیں اور سینئر افسران کواہم عہدوں سے ہٹا کر ان کی جگہ جونیئر افسران کی تعینات کرنے کا عمل جاری ہے۔

ذرائع کے مطابق اسلام آباد کے ڈسٹرکٹ منیجر کو انکے عہدے سے ہٹادیا گیا،ڈسٹرکٹ منیجر پر دباو ٔتھا کہ جعلی بلوں کی ادائیگیاں کی جائے،انکار کرنے پر عہدے سے ہٹادیا گیا،سی ای او کے مینجر کوآرڈنیشن نے لاکھوں روپے کے مبینہ جعلی بلوں کی ادائیگی کے لیے بھی دباو ڈالاتھا۔

یہ بھی کہاجارہا ہے کہ ڈسٹرکٹ منیجر اسلام آباد نے مشیر ہوا بازی کے رشتہ داروں کے بنائے گئے ٹکٹوں کی ادائیگی کا بھی مطالبہ کیا تھا،سی ای او نے ان کی جگہ جونیئر افسر تعینات کردیا،جدہ سمیت مدینہ اور دمام میں بھی جونیئر افسران کو تعینات کیا گیا جو کہ قوانین کی سنگین خلاف ورزی ہے۔

واضح رہے کہ سی ای او کے منیجر کوآرڈنیشن کے خلاف مبینہ جعلسازی کے حوالے سے پہلے ہی تحقیقات جاری ہیں۔ سی ای او کے منیجر کوآرڈنیشن نے جعلسازی کے ذریعے پی آئی اے میں بھرتی اور ترقی حاصل کی تھی۔ذرائع کے مطابق لاکھوں روپے بلوں کی بھی چیئرمین کی منظوری کے بغیر اختیارات کا ناجائز فائدہ اٹھاتے ہوئے بل کی ادائیگی کی منظوری دی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top