The news is by your side.

Advertisement

مصباح اور اظہر کو وزیراعظم سے ملاقات مہنگی پڑ گئی، حفیظ بچ گئے

اسلام آباد: ہیڈکوچ مصباح الحق اور کپتان اظہر علی کو پی سی بی کی اجازت کے بغیر وزیراعظم عمران خان سے ملاقات پر شوکاز نوٹس کا سامنا ہے۔

وزیراعظم عمران خان سے ملاقات میں پاکستان کرکٹ کے تین بڑے نام مصباح الحق، اظہرعلی اور محمد حفیظ ملک میں ڈیپارٹمنٹ کرکٹ کی بحالی پر قائل نہ کرسکے۔

مصباح، حفیظ اور اظہر نے ڈیپارٹمنٹ میں کھلاڑیوں کے روزگار پر وزیراعظم کو قائل کرنے کی کوشش کی مگر پی سی بی چیئرمین کو یہ بات پسند نہ آئی ۔

ذرائع کے مطابق پی سی بی سے بغیر اجازت ملاقات کرنے پر مصباح اور اظہر  کے خلاف کارروائی کا امکان ہے۔میٹنگ میں موجود محمد حفیظ سینٹرل کانٹریکٹ میں نہ ہونے کی وجہ سے بچ گئے۔

وزیراعظم عمران خان نے دو ٹوک الفاظ میں کہا ہے کہ ڈیپارٹمنٹل کرکٹ کا اسٹرکچر واپس نہیں آئے گا۔

وزیراعظم نے واضح جواب دیا کہ ڈیپارٹمنٹل کرکٹ کے اسٹرکچر واپس نہیں آئےگا، ڈیپارٹمنٹ سےکھیلنےسےکھلاڑی بہت سکون میں ہوتاہے، کھلاڑی کونوکری مل جاتی ہےتووہ اوپرجانےکی کوشش نہیں کرتا۔

Comments

یہ بھی پڑھیں