site
stats
بزنس

ملکی تاریخ میں پہلی بار، اسٹاک ایکس چینج 50900 کا ہندسہ عبور کرگیا

کراچی: پاکستان اسٹاک ایکس چینج نے نئی تاریخ رقم کردی، ملکی تاریخ میں پہلی بار انڈیکس نے 50900 پوائنٹس کا سنگ میل عبور کرلیا۔

اے آر وائی نیوز کے نمائندہ رضوان عامر کے مطابق پاکستان اسٹاک ایکس چینج نے ملکی تاریخ کی بلند ترین سطح کا اپنا ہی ریکارڈ توڑ دیا، آج تاریخ میں پہلی بار انڈیکس کی سطح 50 ہزار 900 پوائٹس کی سطح پر آگئی۔


اطلاعات ہیں کہ 100 انڈیکس میں ہزار پوائنٹس کا اضافہ ہوا جس کے نتیجے میں یہ ریکارڈ قائم ہوا۔

صنعت کار عقیل کریم ڈھیڈھی نے کہا کہ اول پاناما لیکس اور دوم ڈان لیکس کے معاملات کروٹ لینے کے باعث مارکیٹ میں پریشانی تھی تاہم یہ معاملات حل ہونے کی اطلاعات سامنے آئیں تو اسٹاک مارکیٹ پر مثبت اثرات مرتب ہوئے۔

انہوں نے کہا کہ لوئر انٹرسٹ ریٹ، افراط زر میں اضافے سے بینکوں کے شیئر کے حوالے سے لوگ مثبت ہیں اس کی وجہ سے بینک کے اسٹاک میں تیزی دیکھی گئی۔
انہوں نے مزید کہا کہ آئل کی قیمتوں میں پچھلے دنوں کمی آئی اور اب وہ ان میں بھی کچھ اضافہ ہوا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top