اے آروائی نیوز پرحملہ‘جرات مند پولیس افسران کے لیے انعامات -
The news is by your side.

Advertisement

اے آروائی نیوز پرحملہ‘جرات مند پولیس افسران کے لیے انعامات

کراچی: اے آروائی نیوز پر حملے کے دوران جرات اور عزم واستقامت کا مظاہرہ کرنے والے پولیس والوں کے لیے آئی جی سند ھ کی جانب سے نقد انعام اور تعریفی اسناد کا اعلان کیا گیا ہے۔

ترجمان سندھ پولیس کے دفتر سے جاری کردہ اعلامیے کے مطابق آئی جی سندھ اے ڈی خواجہ نے میڈیا دفاتر کے تحفظ اور امن وامان کے حالات کو کنٹرول میں رکھنے سمیت حملوں میں ملوث عناصر کے خلاف عمدہ کارکردگی کا مظاہرہ کرنے اور ان حملوں میں زخمی ہونے والے ڈی ایس پی کنور آصف‘ انسپکٹرپیر شبیر‘ کانسٹیبل راؤ راشد اور کانسٹیبل قمر زمان کے لیے بالترتیب پچاس پچاس ہزار روپے نقد انعام اور تعریفی اسناد کا اعلان کیا ہے۔

13

آئی جی آفس سے جاری کردہ ہدایات میں انہوں نے اےآئی جی آپریشنز سندھ سے کہا ہے کہ زخمی پولیس افسران اور جوانوں کو بہترین طبی سہولیات کی فراہمی میں کوئی کسر نہ چھوڑی جائے اور ان کی جلد سے جلد صحت یابی کے لیے جملہ اقدامات کو یقینی بنایا جائے۔

15

آئی جی سندھ نے مذکورہ بالا پولیس کو شاباش دیتے ہوئے کہا کہ عوام کے جان ومال کے تحفظ کے ضمن میں کوئی سمجھوتہ نہ کیا جائے اور کسی بھی ممکنہ ناخوشگوار واقعہ, ہنگامی صورتحال کے حوالے سے انسدادی اقدامات کو غیر معمولی بناتے ہںوئے ملوث شرپسندوں / عناصر کے خلاف منظم اور بھرپور کریک ڈاوُن کو یقینی بنایا جائے۔

16

واضح رہے کہ دو روز قبل ایم کیو ایم کے قائد کی اشتعال آمیز تقریر کے ردعمل میں مسلح افراد اے آروائی نیوز کے دفتر پر حملہ آور ہوئے تھے اور دفتر میں توڑ پھوڑ بھی مچائی تھی جبکہ ملازمین کو تشدد کا نشانہ بھی بنایا گیا تھا۔

12

Comments

comments

یہ بھی پڑھیں