ٹریژری بلز رواں ماہ کے آخر تک کراچی اسٹاک مارکیٹ میں سرمایہ کاری کیلئے پیش کردیئے جائیں گے۔ اسٹیٹ بینک حکام کے مطابق کراچی اسٹاک ایکسچینج اور اسٹیٹ بینک کی نامزد کمیٹی اس حوالے سے فریم ورک اور انتطامات مکمل کرنے کے قریب ہے۔

رواں ماہ کے آخر تک اسلامی ٹی بلز سکوک سمیت تمام اقسام کے گورنمنٹ سیکیورٹی پیپرزسرمایہ کاری کیلئےاسٹاک مارکیٹس میں متعارف کرادیئےجائیں گے۔

اسٹاک مارکیٹس میں لسٹنگ کے بعد عام اورانفرادی سرمایہ کار بھی ٹی بلز میں سرمایہ کاری کرسکیں گے۔اس سے قبل سرمایہ کاری کے یہ مواقع صرف بینکوں اور مالیاتی اداروں کو حاصل تھے۔