ٹی وی اداکارجمشید انصاری کی نویں برسی آج منائی جا رہی ہے -
The news is by your side.

Advertisement

ٹی وی اداکارجمشید انصاری کی نویں برسی آج منائی جا رہی ہے

کراچی: پاکستان کے نامور مزاحیہ اداکار جمشید انصاری کو مداحوں سے بچھڑے نو برس بیت گئے،لیکن ان کی مزاحیہ اداکاری آج بھی لوگوں کے چہروں پر مسکراہٹ بکھیر دیتی ہے، معروف اداکارجمشید انصاری پاکستان انڈسٹری کا وہ ستارہ تھے جن کی اداکاری آج بھی لوگوں کے ذہنوں میں نقش ہے۔

کامیڈی میں اپنے آپ کو منوانے والے جمشید انصاری انیس سو بیالس میں بھارت کے شہر سہارن پور میں پیدا ہوئے، جمشید انصاری نے اپنے فنی سفر کا آغاز ریڈیو سے کیا۔ جمشید انصاری نے اسٹیج پر بھی اپنی فنکارانہ صلاحیتوں کے جوہر دکھائے۔انہوں نے کامیڈین کے طور بھی اپنے فن کا لوہا منوایا اور انکل عرفی، شوشا، تنہایاں، ان کہی، زبر زبر پیش،ہاف پلیٹ جیسے ڈارموں میں لازوال پرفارمنس کی بدودلت اپنے مداحوں کے دلوں میں گھر کرلیا۔

برین ٹیومر جیسے مہلک مرض میں مبتلا ہوکر جمشید انصاری چوبیس اگست دو ہزار پانچ کو اپنے مداحوں کو اداس چھوڑ گئے۔ لیکن ان کی یاد دلوں میں آج بھی زندہ ہے۔

Comments

comments

یہ بھی پڑھیں