The news is by your side.

Advertisement

پالی کیلے: سری لنکا کا پاکستان کو جیت کے لئے 377 رنز کا ہدف

پالی کیلے: پالی کیلے ٹیسٹ میں سری لنکا نے پاکستان کو جیت کے لئے تین سو ستتر رنز کا ہدف دے دیا۔

پالی کیلے میں جاری فیصلہ کن ٹیسٹ کے چوتھے روز سری لنکا نے دوسری نامکمل اننگز دو سو اٹھائیس رنز پانچ کھلاڑی آؤٹ پر دوبارہ شروع کی تو کپتان اینجلو میتھیوز اور چندی مل نے تیزی سے اسکور میں اضافہ کیا۔

دونوں بیٹسمینوں نے چھٹی وکٹ کے لئے ایک سو سترہ رنز کی شراکت قائم کی۔ چندی مل نے ایک سوبائیس رنز کی شاندار اننگز کھیلی۔ سری لنکا کی ٹیم دوسری اننگز میں تین سو تیرہ رنزبناکر آؤٹ ہوگئی اور پاکستان کو جیت کے لئے تین سو ستتر رنز کا ہدف دیا۔

پاکستان کی جانب سے عمران خان نے پانچ شکار کئے، ہدف کے تعاقب میں پاکستانی بلے بازوں کا امتحان جاری ہے۔

گزشتہ روز پالی کیلے ٹیسٹ کے تیسرے روز سری لنکا کیخلاف پاکستان کیجانب سے سرفراز احمد اورعمران خان نے نامکمل پہلی اننگز دوبارہ شروع کی۔ اسکور میں چھ رنز کا اضافہ کرنے کے بعد میزبان ٹیم نے پاکستان کو دوسو پندرہ رنزتک محدود کردیا۔ پاکستان کو تریسٹھ رنز کے خسارے کا سامنا رہا۔

سری لنکن ٹیم کا دوسری اننگز میں آغاز اچھا نہ رہا، پاکستانی بولرز نے اسی رنز پر چار کھلاڑی آؤٹ کرکے سری لنکا کو مشکلات سے دوچار کردیا تھا، کپتان اینجلو میتھیوز نے اوپل تھرنگا اور جہان مبارک کے ہمراہ سری لنکن ٹیم کی پوزیشن مستحکم بنادی۔

دن کےاختتام تک سری لنکا نے پانچ وکٹ پر دو سو اٹھائیس رنز بناتے ہوئے پاکستان کیخلاف دو سو اکیانوے رنز کی سبقت قائم کرلی ہے۔

Print Friendly, PDF & Email

Comments

comments

یہ بھی پڑھیں