The news is by your side.

Advertisement

پالی کیلے: سری لنکا کی پہلی اننگز میں بیٹنگ جاری، ایک کھلاڑی آؤٹ

پالی کیلے: پاکستان اور سری لنکا کی ٹیمیں تیسرے ٹیسٹ میں مدمقابل ہیں، سری لنکا کی پہلی اننگز میں بیٹنگ جاری ہے۔

سری لنکا کی جانب سے دھمت کارونارتنے اور کوشال سلوا نے اننگز کا آغاز کیا لیکن کوشال سلوا زیادہ دیر تک وکٹ پر ٹک نہ سکے ، راحت علی کے ہاتھوں آوٹ ہوگئے، انھوں نے 9 رنز بنائے، اب سے کچھ دیر قبل تک سری لنکا نے پندرہ رنز بنالئے ہیں۔

پالی کیلے میں کھیلے جانے والے میچ کا ٹاس پاکستانی کپتان مصباح الحق نے جیت کر پہلے فیلڈنگ کا فیصلہ کیا، مصباح الحق کا کہنا تھا کہ وکٹ دیکھ کر فیلڈنگ کو ترجیح دی ہے۔

سری لنکا کے خلاف فیصلہ کن ٹیسٹ کیلئے قومی ٹیم میں چار تبدیلیاں کی گئی ہیں، وہاب ریاض انجرڈ ہیں۔ جنید خان اور ذوالفقار بابر ٹیم کا حصہ نہیں اور آل راؤنڈر محمد حفیظ کو بولنگ ایکشن ٹیسٹ کے سبب فائنل الیون میں شامل نہیں کیا گیا۔

میچ کیلئے قومی ٹیم میں تین فاسٹ بالرز راحت علی، عمران خان اور احسان عادل کو رکھا گیا ہے۔

دوسری جانب سری لنکن ٹیم میں کمار سنگاکارا کے علاوہ تین تبدیلیاں کی گئی ہیں، دونوں ٹیموں کے درمیان سیریز ایک ایک سے برابر ہے۔

Print Friendly, PDF & Email

Comments

comments

یہ بھی پڑھیں