site
stats
کھیل

پالی کیلے: پاکستان کی پہلی اننگز میں بیٹنگ جاری، ٹیم کو مشکلات کا سامنا

پالی کیلے: پالی کیلےٹیسٹ میں سری لنکن ٹیم پہلی اننگز میں دو سو اٹہتر رنزبناکر آؤٹ ہوگئی، پاکستان کی پہلی اننگز میں بیٹنگ جاری ہے۔

دوسری جانب یاسر شاہ سری لنکا میں ٹیسٹ سیریز کے دوران تین مرتبہ پانچ وکٹیں لینے والے دنیا کے دوسرے بولر بھی بن گئے۔

تیسرے ٹیسٹ میچ کے دوسرے دن کھانے کے وقفے پر پاکستان نے سری لنکا کے خلاف تین وکٹوں کے نقصان پر 45 رنز بنا لیے ہیں، پاکستان کو سری لنکا کی برتری ختم کرنے کے لیے مزید 233 رنز کی ضرورت ہے اور پہلی اننگز میں اس کی سات وکٹیں باقی ہیں۔

شان مسعود اور احمد شہزاد پاکستان کو اچھا آغاز فراہم نہ کرسکے،  پاکستان کو پہلا نقصان 32 رنز پر اٹھانا پڑا جب شان مسعود 13 رنز بنا کر آؤٹ ہوگئے۔ جس کے بعد احمد شہزاد 21 رنز بنا کر پویلین لوٹ گئے، پاکستان کی تیسری وکٹ اس وقت جب یونس خان صرف تین رنز بنا کر رن آؤٹ ہوگئے۔

سری لنکا کی جانب سے دھمیکا پرساد اور نووان پردیپ نے ایک ایک کھلاڑی کو آؤٹ کیا۔

پالی کیلے میں پاکستانی آف اسپنر یاسر شاہ نے سری لنکا کے بڑی اسکور کی جانب بڑھتے قدم روک دیئے، یاسر شاہ نے آدھی سری لنکن ٹیم ٹھکانے لگا دی، یاسر شاہ سری لنکا میں ٹیسٹ سیریز کے دوران تین مرتبہ پانچ وکٹیں لینے والے دنیا کے دوسرے بولر بھی بن گئے۔

کھیل کے آخری روز سری لنکا نے دو سو بہتر رنز آٹھ کھلاڑی آؤٹ پر اننگز دوبارہ شروع کی اور صرف چھ رنز کے اضافے کے بعد میزبان ٹیم کا دو سو اٹھتر رنز پر صفایا ہوگیا۔

راحت علی نے تین اور اظہر علی نے دو وکٹیں حاصل کیں، سری لنکا کے دموتھ کرونا رتنے ایک سو تیس رنز بناکر نمایاں رہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top