The news is by your side.

Advertisement

پانی بحران کے خاتمے کیلئے ہر ممکن اقدامات کئے جائیں، گورنرسندھ

کراچی : شہر میں پانی کے بحران کا نوٹس لیتے ہوئے گورنر سندھ نے واٹر بورڈ حکام کو طلب کرلیا ۔

گورنر سندھ داکٹر عشرت العباد  کاکہنا ہے کہ پانی بحران کے خاتمے کے لئے ہر ممکن اقدامات اٹھائے جائیں ۔ ایم ڈی واٹر بورڈ ہاشم رضا زیدی نے گورنر ہاؤس میں گورنر سندھ سے ملاقات میں بتایا کہ حب ڈیم خشک ہوجانے سے سسٹم میں ایک سو ملین گیلن پانی کی کمی واقع ہوئی ہے۔

انہوں نے بتایا کہ حب ڈیم سے پانی کی ترسیل ہونیو الے علاقے متاثر ہورہے ہیں،حکومت سندھ نے فنڈز فراہم کردیئے ہیں، پمپس کی کارکردگی کو بہتر بنارہے ہیں۔

گورنر سند ھ کا کہنا تھا کہ پانی کے بحران کے خاتمے کے لئے ہر ممکن اقدامات اٹھائے جائیں ، واٹر ٹینکرز کے ذریعے پانی کی مفت فراہمی کے دائرہ کار کو مزید وسیع کیا جائے۔

انہوں نے کہا کہ آئندہ چند روز میں گرمی کی شدت میں اضافے کے ساتھ ساتھ پانی کی طلب بھی بڑھ جائے گی ، اور رمضان المبارک سے قبل واٹر بورڈ اپنی کارکردگی کو مزید بہتر بنائے ۔

گورنر سندھ کاکہنا تھا کہ کے فور منصوبہ شہر کی لائف لائن بن چکا ہے۔

Comments

comments

یہ بھی پڑھیں