The news is by your side.

Advertisement

پانی کے بحران نے پورے شہر کو اپنی لپیٹ میں لے لیا

کراچی : شہرِ قائد کے باسی زندگی گزارنے کی اہم ضرورت سے بھی محروم ہوگئے ہیں، پانی کے بحران نے پورے شہر کو اپنی لپیٹ میں لے لیا ہے۔

شدید گرمی میں پانی کے بحران نے شہریوں کی چیخیں نکال دیں، شہر میں پانی کی قلت کیا ہوئی واٹر ٹینکراور ہائڈرنٹز مافیا کی تو عید ہوگئی ، مجبوری کا فائدہ اٹھاتے پانی بیچنے والا مافیا شہریوں کو لوٹنے میں مصروف ہے اور کوئی پوچھنے والا نہیں ۔

حکومت کی ناقص منصوبہ بندی کے باعث کراچی کویومیہ گیارہ سو ملین گیلن کی جگہ محض چارسوملین گیلن پانی فراہم کیا جارہا ہے۔

سندھ حکومت کے فری ٹینکر سروس کے دعوے بھی پانی میں بہہ گئے، پانی کے بحران کیلئےکوئی کےالیکڑک کو قصور وارٹھہرا رہا ہے تو کوئی حکومت سندھ کو مگر شہریوں کی مشکل آسان کرنے کیلئے بیان بازی سے آگے کچھ نہیں کیا جارہا ہے۔

بے بس شہریوں کے لئے پانی کا حصول جوے شیر لانے کے مترادف ہوگیا ہے۔

Comments

comments

یہ بھی پڑھیں