پاکستانیوں کی مدد کیلئے پاک بحریہ کا فریگیٹ جہاز خلیج عدن روانہ -
The news is by your side.

Advertisement

پاکستانیوں کی مدد کیلئے پاک بحریہ کا فریگیٹ جہاز خلیج عدن روانہ

کراچی : یمن میں محصور پاکستانیوں کی امداد کے لیے پاک بحریہ کا ایک فریگیٹ جہاز آج کراچی کی بندرگاہ سے بحیرہ احمر ، خلیج عدن کے لئے روانہ ہو گیا ہے۔ دوسرا فریگیٹ بھی روانگی کیلئے تیار ہے۔

پاک بحریہ کے ترجمان کے مطابق کراچی سے روانہ ہونے والا پہلا فریگیٹ خلیج عدن میں پوری تیاری کے ساتھ موجو د رہے گا اور جیسے ہی ضرورت پڑے گی یہ جہاز پاکستانیوں کے انخلا کا کام سرانجام دے گا ۔

اس سلسلے میں جنگ اور امن کے دوران کسی بھی آپریشن کی مکمل تیاریاں کی گئی ہیں ۔پاک بحریہ کے ذمہ دار ذرائع کے مطابق پاک بحریہ کا ری فیولینگ جہازبھی خلیج عدن میں فریگیٹ کے لیے ایندھن کی ضروریات پوری کرے گا۔جبکہ ان فریگیٹ پر موجود ہیلی کاپٹر اور حربی آلات سیکورٹی کے لیے متحرک رہیں گے ۔

پلان اے کے تحت یمن کی بندرگارہ سے پاکستانیوں کو آریٹیریا کی بندرگاہ پر منتقل کیا جائے گا ۔جہاں سے بذریعہ ہوائی جہاز پاکستان لایا جائے گا ۔

دوسری صورت میں محصور پاکستانیوں کو فریگیٹ پر تمام سہولیتں فراہم کی جائیں گیں ۔اور پانچ دن کا سفر طے کرکے پاکستان لایا جائے گا۔

ذرائع کے مطابق اگر حکومت فیری سروس شروع کرتی ہے تو پلان سی کے تحت پاک بحریہ کے فریگیٹ فیر ی سروس کے لیے سیکورٹی کے فرائض سرانجام دینگے۔

Comments

comments

یہ بھی پڑھیں