The news is by your side.

Advertisement

پاکستانی اداکارہ تسمینہ شیخ بھی برطانوی انتخابات میں حصہ لے رہی ہیں

برطانیہ میں عام انتخابات آج ہورہے ہیں اور بہت سے ایشیائی افراد بھی اس الیکشن میں امیدوار کی حیثیت سے حصہ لے رہے ہیں۔

برطانیہ ایشیائی باشندوں کی بہت بڑی تعداد کا گھر ہے اور وہ یہاں حقِ رائے دہی استمعال کرتے ہیں اورانہوں پورا حق حاصل ہے کہ وہ اپنی مرضی کے نمائندے کوووٹ دیں۔ اسی طرح کئی ایشیائی نمائندے برطانوی سیاسی جماعتوں کے ٹکٹ پرالیکشن لڑرہے ہیں جن میں پاکستانی نژادبرطانوی بھی شامل ہیں ان میں سے ایک تسنیمہ شیخ بھی ہیں۔

تسمینہ احمد شیخ اسکاٹش نیشل پارٹی کی امیداوار ہیں، ان کے مدمقابل امیدواروں میں لیبر پارٹی کے مضبوط امیدوار گورڈن بینک اور اسکاٹش کنزرویٹو کے امیدوارلیوک میٹرک گراہم ہیں۔

تسمینہ شیخ 1970ء میں لندن میں پیدا ہوئی اور ایڈنبرا میں پلی بڑھیں ہیں، وہ اسکاٹ لینڈ کی معروف کاروباری خاتون اور وکیل ہیں۔

انھیں شاہی اعزاز ‘او بی ای’ اور ‘وومن آف دا ایئر’ کے اعزاز بھی مل چکے ہیں ، انھیں پاکستان ٹیلی وژن کی معروف اداکارہ کی حیثیت سے بھی شہرت حاصل ہے۔

انہوں نے پاکستان ٹیلی وژن کے پیش کردہ آنسو، دیس پردیس اورماں جیسسے ڈراموں سے شہرت حاصل کی اس کے علاوہ انہوں نے میوزک ویڈیوز میں بھی کام کیا ہے۔

تسنیمہ شیخ نے نژاد ڈرامہ اداکارذوالفقار شیخ سے شادی کی جن سے ان کےچار بچے ہیں۔

تسنیمہ شیخ نے اداکری کی دنیا میں بہت ہی مختصر لیکن موثر قیام کیا اور آج بھی اس دور کے لوگ لندن کی سڑکوں پر تسنیمہ کو دیکھ کر پہچان لیتے ہیں اورآٹو گراف کی فرمائش کرتے ہیں۔

تشنیمہ اب اداکاری کی دنیا سے کنارہ کشی اختیار کرچکی ہیں اور اپنے سیاسی کیرئیر پر توجہ دے رہی ہیں۔

گزشتہ سال انہوں نے یورپی پارلیمنٹ کے انتخابات میں حصہ لیا تھا لیکن کامیاب نہیں ہوسکی تھیں۔

برطانیہ میں آج ہونے والے انتخابات میں تسمینہ اسکاٹ لینڈ کی نشستوں سے حصہ لے رہی ہیں اور ان کی کامیابی کے امکانات بہت ہیں۔

Comments

comments

یہ بھی پڑھیں