The news is by your side.

Advertisement

پاکستانی اسکول سے پیرس تک دہشت گردی کے شکارمظلوموں کے ساتھ ہیں، اوبامہ

واشنگٹن: امریکی صدرباراک اوبامہ کاکہنا ہے کہ واشنگٹن پاکستانی اسکول سے لے کر پیرس کی سڑکوں تک دہشت گردی کے شکارمظلوموں کے ساتھ ہیں۔

اسٹیٹ آف یونین سے خطاب کے دوران ان کا کہنا تھا کہ ہم دہشت گردوں اوران کے ٹھکانوں کو نشانہ بناتے رہیں گے۔

اوبامہ نے اس عزم کا بھی اعادہ کیا کہ وہ داعش کے خلاف کاروائیاں کرتے رہیں گے۔ ان کا کہنا تھا کہ ’’اس میں وقت لگے گا لیکن ہم کامیاب ہوں گے۔

باراک اوبامہ کا کہنا تھا کہ آج یہاں کانگریس میں داعش کے خلاف طاقت کے استعمال کی قرارداد منظورکرکے ہمیں دنیا کو دکھانا ہوگا کہ دہشت گردی کے خلاف ہم سب متحد ہیں۔

ان کا کہنا تھا کہ ہم اس تاثر کی بھی حمایت نہیں کرتے کہ تمام مسلمان دہشت گرد ہیں، ایسا نہیں ہے زیادہ ترمسلمان امن قائم کرنے کی اس کوشش میں ہمارے ساتھ ہیں۔

ان کا کہنا تھا کہ معاشی بحران کا دور گزرچکا ہے امریکہ نے طویل جنگ اورمعاشی جدوجہد کا ایک نیا باب رقم کیا ہے۔

انہوں نے یہ بھی کہا کہ ہم نے 6 سال میں معیشت کی بہتری کے لئے کئی اقدامات کیے اورنئی نوکریاں بھی پیدا کیں۔

Print Friendly, PDF & Email

Comments

comments

یہ بھی پڑھیں