کراچی : پاکستان کے انتہائی غریب نوجوان نے ’’میامی فلوریڈا مسل مینیا ورلڈ چیمپئین شپ‘‘ میں سونے کا تمغہ جیت کرملک کا نام روشن کردیا۔
تفصیلات کے مطابق کراچی کے رہائشی عبدالمالک نے مسلز مینیا کی 75 کلو گرام کی کیٹیگری میں سونے کا تمغہ جیت کراپنے نام کیا ہے۔
باڈی بلڈرکی اے آروائی نیوزسے خصوصی گفتگو دیکھنے کے لئے نیچے اسکرول کریں
جواں سال عبدالمالک کراچی کے علاقے حیدری مارکیٹ میں خواتین کے ہینڈبیگ فروخت کرتا ہے اوراپنی مدد آپ کے تحت قریبی دوست احباب سے ادھارلے کرمقابلے میں شرکت کے لئے امریکہ گیا ہے۔
ذرائع کا کہنا ہے کہ عبدالمالک نا تو کسی صاحب ثروت خاندان سے تعلق رکھتا ہے اورہی حکومت نے اسکیسرپرستی کی بلکہ امریکہ جانے کے لئے 3 لاکھ روپے کی رقم اسے بطورقرض لینا پڑی۔
اے آروائی نیوز کے نمائندے علی حسن نے بتایا کہ جب ان کی عبدالمالک سے گفتگو ہوئی تواس میں یہ انکشاف ہوا کہ پاکستان کاسر فخرسے بلند کرنے والے اس ایتھیلیٹ کی والدہ نے انہیں 3 دن کا کھانا بھی تیارکرکے دیا تھا کہ ان کے پاس موجود رقم کی بچت ہوسکے۔
اے آر وائی نیوز سے گفتگو کرتے ہوئے ان کا کہنا تھا کہ یہ اعزاز ان کا نہیں ہےپورے پاکستان کا ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
