The news is by your side.

Advertisement

پاکستانی نژاد عامر خان نے امریکی باکسر کو دھول چٹادی

نیویارک: پاکستانی نژاد عامر خان نے امریکی باکسر کو ہرادیا عامر خان نے کرس الجیری کو دھول چٹادی عامر خان نے مے ویدر کو بھی للکارا۔

تفصیلات کے مطابق پاکستانی نژاد برطانوی باکسر عامر خان نے امریکہ کے کرس الجیری کو شکست دے کر سلور ویلٹر ویٹ ٹائٹل کا کامیابی سے دفاع کیا۔

نیویارک کے بارکلیز سینٹر کا میلہ عامر خان نے لوٹ لیا۔ دونوں باکسرز جارحانہ انداز میں رنگ میں داخل ہوئے لیکن عامر خان کے زور دار مکوں کا حریف باکسر کے پاس کوئی توڑ نہ تھا۔

عامر خان نے ابتدا سے ہی الجیری پر دباؤ برقرار رکھا اور آخری تک انہیں کم بیک کا کوئی موقع نہیں دیا۔ فائٹ کے اختتام پر میچ ریفریز نے عامر خان کے حق میں فیصلہ دیا۔

جیوری نے عامر خان کو 111-117، 111-117 اور 113-115 سے فاتح قرار دیا۔ کرس الجیری کو شکست دینے کے بعد عامر خان نے ایک بار پھر امریکی باکسر فلائڈ مے ویدر کو للکارا۔

ان کا کہنا تھا کہ وہ مے ویدر کو ہراکر ٹائٹل واپس اپنے نام کرنا چاہتے ہیں۔ پاکستانی نژادبرطانوی باکسر عامر دا کنگ خان اپنے سلور ویلٹر ویٹ ٹائٹل کا دفاع کرتے ہوئے نیویارک کے کرس الجیری کیخلاف کامیابی حصل کی۔

عامر خان کو تینتیس فائٹس میں صرف تین بارشکست ہوئی۔ انہوں نے انیس مقابلوں میں حریفوں کو ناک آؤٹ کیا۔ کرس الجیری کو اکیس باؤٹ میں سے صرف ایک مرتبہ شکست کا سامنا کرنا پڑا۔

دوسری شکست آج عامر خان کے ہاتھوں ہوئی، آٹھ کے فیصلے ناک آؤٹ کی بنیاد پر ان کے حق میں رہے۔ الجیری کی عامر خان کیخلاف کامیابی انہیں فلپائنی باکسر مینی پیکیو سے فائٹ کا موقع فراہم کریگی۔

Comments

comments

یہ بھی پڑھیں