پاکستانی ٹیم گوگل پرسب سے زیادہ سرچ کی جانے والی ٹیم بن گئی -
The news is by your side.

Advertisement

پاکستانی ٹیم گوگل پرسب سے زیادہ سرچ کی جانے والی ٹیم بن گئی

کراچی (ویب ڈیسک) – پاکستانی ٹیم ان دنوں کرکٹ کے عالمی میں معرکے میں مشکلات کا شکار ہے۔ ویسٹ انڈیز اور بھارت جیسے ممالک سے ہارنے کے بعد اللہ اللہ کرکے ٹیم نے زمبابوے کو 20 رنز سے شکست دی۔ الغرض پاکستانی ٹیم اپنی قوم کو تاحال متاثر کرنے میں ناکام رہی ہے لیکن ایسا لگتا ہے کہ مصباح اور انکے ساتھی عالمی دنیا کے ناظرین کی توجہ حاصل کرنے میں کامیاب ہوچکے ہیں۔

گوگل کی حال ہی میں جاری کردہ رپورٹ کے مطابق آئی سی سی کرکٹ ورلڈ کپ 2015 کے دوران پاکستانی ٹیم گوگل پرسب سے زیادہ سرچ کی جانے والی ٹیم ہے۔

گوگل کی رپورٹ کے مطابق اپنی تمام تر ناکامیوں کے باوجود پاکستانی ٹیم ابھی تک سب سے زیادہ تلاش کی جانے والی ٹیم ہے۔ ٹیم پاکستان کے بعد جو ٹیمیں سب سے زیادہ سرچ کی گئیں وہ بھارت، ویسٹ انڈیز، انگلینڈ اور آسٹریلیا ہیں۔

علاوہ ازیں چھوٹی ٹیموں میں افغانستان گوگل سرچ میں سب سے آگے ہے جبکہ اس کے بعد سب سے زیادہ سرچ کی جانے والی ٹیم بنگلہ دیش، آئرلینڈ اور متحدہ عرب امارات ہیں۔

یہاں ایک دلچسپ بات یقیناً قابل ذکر ہے کہ صرف ٹیمیں ہی تلاش نہیں کی جارہیں بلکہ کرکٹربھی تلاش کیے جارہیں اور سب سے زیادہ تلاش کیے جانے والے کرکٹرہیں پاکستان کے محمد عرفان اور انہیں سب سے زیادہ تلاش کیا ہے بھارتیوں نے۔ بھارتی شائقین نے ان کے قد کے بارے میں جاننے کے لئے گوگل سے رجوع کیا۔

دوسری جانب دنیا بھر کے شائقین کرکٹ نے جیمز ٹیلر کا قد جاننے کے لئے گوگل سے رابطہ کیا۔

Comments

comments

یہ بھی پڑھیں