پاکستان اسٹیل صنعتوں کے فروغ میں اہم کردارادا کرسکتا ہے، شیخ آفتاب -
The news is by your side.

Advertisement

پاکستان اسٹیل صنعتوں کے فروغ میں اہم کردارادا کرسکتا ہے، شیخ آفتاب

کراچی: وزیرمملکت شیخ آفتاب احمد نے کہا ہے کہ پاکستان اسٹیل کے مسائل اورمعاملات کے بارے میں وزیراعظم کو آگاہ کروں گا تاکہ پاکستان اسٹیل کو دوبارہ ایک منافع بخش ادارہ بنایا جاسکے۔

وزیرِمملکت برائے پارلیمانی اُمور شیخ آفتاب احمد نے پاکستان اسٹیل کے دورے کے موقع پر کہا کہ پاکستان اسٹیل کی ترقی سے ملک کی انجینئرنگ کی صنعتوں کے فروغ اور ملکی معیشت میں اہم کردار ادا کرے گا۔

چیف ایگزیکٹو آفیسرظہیراحمد خان نے وزیرمملکت کو پاکستان اسٹیل کی موجودہ صورتحال اور کارکردگی سے متعلق بریفنگ میں بتایا کہ انتظامیہ پاکستان اسٹیل کے کارخانوں کی مرمت کر کے 40-45 فیصد پیداوار حاصل کرنے میں کامیاب ہو گئی ہے۔

حکومت کے مالیاتی پیکیج کی بدولت اپریل میں پاکستان اسٹیل 77 فیصد پیداوارکا ہدف حاصل کرنے میں کامیاب ہوگا۔

انہوں نے کہا کہ پاکستان اسٹیل 100 کی فیصد پیداوار حاصل کرنے اور ملازمین کی 3 مہینے کی تنخواہیں ،یوٹیلیٹی بلز کی ادائیگی کے لے حکومت سے مزید13 ارب روپے کی مدد مانگی ہے۔

Comments

comments

یہ بھی پڑھیں