site
stats
کھیل

پاکستان اور آسٹریلیا کا دوسرا ٹیسٹ میچ آج سے شروع ہوگا

ابوظہبی : پاکستان اور آسٹریلیا کے درمیان سیریز کا دوسرا اور آخری ٹیسٹ آج سے ابوظہبی میں شروع ہوگا، گرین شرٹس سیریز میں کلین سوئپ اور کینگروز کم بیک کے لئے پرعزم ہیں۔

دبئی کے صحرا میں پاکستانی شاہینوں کی فتح کے بعد اب ابوظہبی میں بھی گرین شرٹس اونچی اڑان بھرنے کے لئے تیار ہیں، ادھر آسٹریلیا بھی زخمی شیر کی طرح پاکستان پر جھپٹنے کے لیے بیتاب ہے۔

پہلے ٹیسٹ کے ہیرو یاسر شاہ اور ذوالفقار بابر کی یلغار نے کینگروز کا برا حال کیا تھا، دبئی کے میدان میں تجربہ کار بیٹسمین یونس خان  کی دو سینچریز نے قومی ٹیم کو سیریز میں ایک صفر کی برتری دلائی، ایک اور کامیابی پاکستان کی ناکامیوں کا ازالہ کردے گی۔

پاکستان کو بیس سال سے جس کا انتظار تھا اب وہ گھڑی آگئی ہے، مصباح الیون کے پاس نہ صرف سیریز جیتنے کا سنہری موقع ہے بلکہ گرین شرٹس آخری ٹیسٹ جیت کر انیس سو بیاسی کے بعد کینگروز کو سیریز میں کلین سوئپ بھی کرسکتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top