The news is by your side.

Advertisement

پاکستان ایک بار پھر صحافیوں کے لئے خطرناک ملک قرار

اسلام آباد: آزادیٔ صحافت سے متعلق رپورٹرز ودآؤٹ بارڈرز نے سالانہ رپورٹ جاری کردی ہے، جس میں ایک بار پھر پاکستان کو صحافیوں کے لئے خطرناک ملک قرار دیا گیا ہے۔

رپورٹرز ود آؤٹ بارڈرز کی سالانہ رپورٹ کے مطابق پاکستان صحافیوں کے لئے خطرناک ملک ہے، صحافیوں کی حفاظت سے متعلق ایک سواسی ملکوں کی فہرست میں پاکستان کا نمبر ایک سوانسٹھواں ہے۔

افریقی ممالک، افغانستان،عراق اور بھارت کو پاکستان سے بہتر قرار دیا گیا ہے۔

رپورٹرزودآؤٹ بارڈرزکی ڈائریکٹر ڈٰیفلین یگلینڈ نے اے آروائی نیوز سے گفتگومیں کہا کہ پاکستان میں صحافیوں کو قتل کیا جارہا ہے، پاکستان میں صحافیوں کی حفاظت کے بارے میں تشویش ہے، حکومت آزادیٔ صحافت اور صحافیوں کے تحفظ کو یقینی بنائے۔

مشکل اور خطرناک حالات میں ذمہ داریاں انجام دینے والے پاکستانی صحافیوں کو قدر کی نگاہ سے دیکھتے ہیں، آزادیٔ صحافت اور صحافیوں کے لئے اریٹریا کو دنیا کا خطرناک ترین ملک قرار دیا گیا ہے۔

Print Friendly, PDF & Email

Comments

comments

یہ بھی پڑھیں