The news is by your side.

Advertisement

پاکستان بمقابلہ آسٹریلیا، پہلا ون ڈے میچ آج شارجہ میں کھیلا جائے گا

شارجہ: پاکستان اور آسٹریلیا کے درمیان تین میچوں کی ون ڈے سیریز کا پہلا میچ آج شارجہ میں کھیلا جائے گا۔

پاکستانی شاہینوں اور کینگروز کے درمیان متحدہ عرب امارات کے ریگستانوں میں ون ڈے سیریز کا آغاز ہونے جارہا ہے، پچاس اوورز کے فارمیٹ میں کینگروز کو گرین شرٹس پر واضح برتری حاصل ہے۔

سعیداجمل معطلی اور حفیظ انجری کے باعث پہلے ہی سیریز سے آؤٹ ہے، پروفیسر کے متبادل کے طور پر سمیع اسلم اور ذولفقار بابر کو ون ڈے سیریز کے اسکواڈ میں شامل کرلیا گیا ہے۔

فواد عالم، اسد شفیق اور کپتان مصباح الحق کی واپسی بھی بے جان ٹیم میں جان ڈالنے کیلئے حوصلہ افزاء ہے۔ دوسری جانب جارج بیلی کی واپسی بھی آسٹریلین ٹیم کیلئے پلس پوائنٹ سے کم نہیں۔

دونوں ٹیموں کے درمیان اب تک نواسی ون ڈے میچز کھیلے جاچکے ہے، قسمت کی دیوی شاہینوں پر صرف اکتیس بار مہربان ہوئی۔

آسٹریلیا فتوحات کی نصف سنچری مکمل کرکے چوون بار میدان مار نے میں کامیاب ہوا، ایک میچ ٹائی اور تین غیر فیصلہ کن رہے، متحدہ عرب امارات میں ہونے والی دونوں سیریز کینگروز کے نام رہی۔

دو ہزار نو میں آسٹریلیا تین دو سے سیریز اپنے نام کی تو دوہزار بارہ میں دو ایک سے کامیابی سمیٹی، موجودہ ٹیم میں آفریدی آسٹریلیا کیخلاف انتالیس ون ڈے میچز میں چوالیس کینگروز کا شکار کرچکے ہیں، بیٹنگ میں آفریدی چھ سو تراسی رنز کے ساتھ پہلے اور کپتان مصباح الحق تین سو ستتر رنز کے ساتھ دوسرے نمبر پر موجود ہے۔

Print Friendly, PDF & Email

Comments

comments

یہ بھی پڑھیں