site
stats
کھیل

پاکستان بمقابلہ آسٹریلیا: ابو ظہبی میں آخری ون ڈے آج کھیلا جائیگا

 ابو ظہبی: پاکستان اورآسٹریلیا کے درمیان سیریز کا تیسرا اور آخری ون ڈے آج ابو ظہبی میں کھیلا جائےگا۔ آسٹریلیا کو سیریز میں پہلے ہی دو صفر کی فیصلہ کن برتری حاصل ہے، امکان ہے کہ مصباح الحق کی جگہ شاہد آفریدی ٹیم کی قیادت کریں گے۔

پاکستانی ٹیم کے پاس عزت بچانے کا آخری موقع ہے، سیریز گنوانے کے بعد شاہینوں پر کلین سوئپ کے بادل منڈلانے لگے، گرین شرٹس کو وائٹ واش سے بچنے اور اپنی کھوئی ہوئی ساکھ بحال کرنے کیلئے ایک جیت درکار ہے۔

دوسری جانب کینگروز بھی شاہینوں کو مسلسل تیسری شکست دیکر جیت کی ہیٹرک مکمل کرنے کیلئے میدان میں اتریں گے، شارجہ ون ڈے میں ترانوے رنز سے آؤٹ کلاس کرنے کے بعد دبئی میں بھی کینگروز نے پانچ وکٹوں سے شاہینوں کو قابو کیا۔

دونوں میچز میں شکست کی وجہ ناقص بیٹنگ رہی ۔ بڑے بڑے نام ہونے کے باوجود قومی ٹیم سیریز میں ایک بار بھی پچاس اوورز کھیلنے میں کامیاب نہ ہوسکی، مصباح، عمر اکمل، آفریدی اور فواد عالم سمیت کوئی بھی وکٹ پر نہ جم سکا۔

دبئی ون ڈے میں ایک سو چھبیس رنز کے شاندار آغاز کے بعد بھی قومی ٹیم مقررہ اوورز سے پہلے ہی ڈھیر ہوگئی۔ بلے بازوں نے غلطیوں سے کچھ نہ سیکھاتو ایک بار پھر جیت آسٹریلیا کے قدم چومے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top