The news is by your side.

Advertisement

پاکستان بمقابلہ بھارت: شاہینوں نے آستینیں چڑھالیں

کراچی : پاک بھارت میچ وہ میچ ہے جس کا انتظار بچے بڑے اور بوڑھے سب ہی کو ہوتا ہےاور آخر کیوں نہ ہو پاک بھارت میچ ہی ایسا ہوتا ہے۔

روایتی حریف جب بھی آمنے سامنے آئے۔ کرکٹ کو کوئی ناقابل فراموش واقعہ دیکھنے کو ملا۔ پاک بھارت میچ ہائی ٹینس میچ ہوتا ہے۔

دونوں ٹیموں کے کھلاڑی ہائی وولٹیج کے ساتھ میدان میں اترتے ہے،پاکستانی شاہین اور بھارتی سورما جب بھی میدان میں اترتے ہیں، کچھ گرما گرمی دیکھنے کو ضرور ملتی ہے۔

پاک بھارت ٹیمیں عالمی کپ میں پانچ بار مدمقابل آچکی ہے، اور تقریبا ہر بار کھلاڑیوں کےدرمیان تلخ کلامی ہوئی۔ انیس سو بانوے کے عالمی کپ میں پہلی مرتبہ روایتی حریف ٹکرائے تو جاوید میانداد اور بھارتی وکٹ کیپر کرن مورے کے درمیان گرما گرمی نے میچ کا مزہ دوبالا کر دیا۔

انیس سو چھیانوے عالمی کپ کے کوارٹر فائنل میں بھی ایسا ہی کچھ ہوا۔ جارحانہ مزاج بلے باز عامر سہیل بھارتی بولر وینکیتیش پرساد پر برس پڑے ، اور ان کی خوب پٹائی لگائی۔

بوم بوم آفریدی اور گوتم گھمبرکے درمیان ہونے والا ناخوشگوار واقعہ بھی میڈیا کی شہ سرخی بنا۔ دو ہزار دس میں ہونے والے ایشیا کپ میں شعیب اختر اور ہربھجن بھی سخت جملوں کا تبادلہ ہوا۔

پاکستان اور بھارت کی ٹیمیں جب بھی ٹکراتی ہیں شائقین کرکٹ کیلئے ایک یادگار واقعہ ضرور چھوڑجا تی ہے۔ کیا اس باربھی پاک بھارت کھلاڑی کوئی ایسا کارنامہ انجام دیں گے جو مدتوں یاد رکھا جائے۔

Print Friendly, PDF & Email

Comments

comments

یہ بھی پڑھیں