The news is by your side.

Advertisement

پاکستان بمقابلہ نیوزی لینڈ،پہلا ون ڈے کل کھیلا جائے گا

ویلنگٹن : پاکستان اور نیوزی لینڈ کے درمیان دو ون ڈے کی سیریز کا پہلا میچ کل ویلنگٹن میں کھیلا جائے گا۔ ورلڈ کپ سے پہلے آزمائش کی گھڑی آگئی۔ کیویز کے خلاف پاکستانی ٹیم کا کڑا امتحان شروع ہوگیا ۔

تفصیلات کے مطابق وارم اپ میچز میں شکست کے بعد بلیک کیپس سے میچز انتہائی اہم ہیں۔ میزبان بلے بازوں کی مشکل آسان ہوگئی ہے کیوں کہ گرین شرٹس کو جادو گر اسپنر اجمل کی خدمات حاصل نہیں ہیں۔

محمدحفیظ بھی بولنگ نہیں کرسکتے، ایسے میں فاسٹ بولرز پرانحصار ہوگا ۔نیوزی لینڈ کی بیٹنگ لائن تو مضبوط ہے ہی اوراس کے بولرز بھی پاکستانی شاہینوں کے لئے مشکلات کھڑی کرسکتے ہیں۔

دونوں ٹیموں کے درمیان میچ پاکستانی وقت کے مطابق ہفتے کی صبح چھ بجے شروع ہوگا، اس سلسلے میں ٹیسٹکرکٹر راحت علی کا کہنا ہے پاکستانی بولرز کیویز کی ابتدائی وکٹیں جلد حاصل کرلیں تو میچ جیتنا مشکل نہیں ہوگا۔

پاکستانی شاہین پہلے ہی ون ڈے میں اونچی اڑان بھرنے کے لئے بے تاب ہیں تو کیویز بھی ہوم گرانڈ پر شائقین کے اعتماد پر پورا اترنے کیلئے پرعزم ہیں۔ اب دیکھنا یہ ہے کہ شائقین کی امیدوں پر کون پورا اترتا ہے؟؟

Print Friendly, PDF & Email

Comments

comments

یہ بھی پڑھیں