The news is by your side.

Advertisement

پاکستان ترکی کے بعد سی ای آر این کا دوسرا مسلمان ممبرملک بن گیا

اسلام آباد : پاکستان (سی ای آر این )یورپی تنظیم برائے جوہری تحقیق کا پہلا ایشیائی ممبر بن گیا، پاکستان ایٹمی انرجی کمیشن (پی اے ای سی) کے بیان کے مطابق پاکستان سی ای آر این کا پہلا ایشیائیایسوسی ایٹ ممبر بن گیا ہے۔

یہ اس تنظیم کا دوسرا اسلامی ملک ہے اس سے قبل سی ای آر این کا ممبر بننے والا پہلا اسلامی ملک ترکی تھا جو گزشتہ سال اس تنظیم کا ممبر بنا جبکہ پاکستان سی ای آر این میں شمولیت کرنے والا پہلا نان یورپیئن ملک ہے، جو اس کے محنت کش سائنسدان انجینئرز اورسفارت کاروں کیلئے باعث اعزاز ہے۔

واضح رہے کہ یہ معاہدہ پاکستان اورسی ای آر این کے درمیان  19 دسمبر 2014 کو وزیر اعظم میاں نواز شریف کی موجودگی میں ہوا۔

معاہدے پر پاکستان کی جانب سے ڈی جی اٹامک انرجی کمیشن اور ڈی جی سی ای آر این نے دستخط کئے، اس ممبر شپ سے پاکستان کے لیے تعاون کے نئے دور کا آغاز ہوگا جو کہ پاکستانی کی سائنس دانوں اور سی ای آر این کے درمیان طویل مدتی شراکت داری کو مضبوط بنائے گا۔

پاکستان سی ای آر این کے کونسل اجلاسوں میں شرکت کے بعد اس کی گورنس کے لیے بھی حصہ لے سکے گا۔

سی ای آر این میں پاکستان کی شمولیت اس بات کا اعتراف ہے کہ پاکستان کا سائنس و ٹیکنالوجی میں نمایاں ترقی کی ہے اور اس کے جوہری پروگرام استعمال پرامن طریقے سے کیا جا رہا ہے۔

Comments

comments

یہ بھی پڑھیں