پاکستان سے دوستانہ تعلقات چاہتے ہیں،من موہن سنگھ -
The news is by your side.

Advertisement

پاکستان سے دوستانہ تعلقات چاہتے ہیں،من موہن سنگھ

بھارت کے وزیراعظم من موہن سنگھ نے کہا ہے کہ پاکستان سے اچھے اور دوستانہ تعلقات چاہتے ہیں، وزارت عظمی کی مدت پوری ہونے سے پہلے پاکستان کا دورہ کرنا چاہتا ہوں۔

بھارتی دارالحکومت نئی دلی میں میڈیا سے گفتگو میں وزیراعظم من موہن سنگھ نے کہا کہ پاکستان سے دوستانہ تعلقات چاہتے ہیں، اقتدار کی مدت چھوڑنے سے پہلے سازگار ماحول میں پاکستان کا دورہ کرنا چاہتا ہوں، راہول گاندھی وزارت اعظمی کے لئے بہترین امیدوار ہیں۔

کانگریس کی جانب سے وزیراعظم کے امیدوار کا نام کا اعلان مناسب وقت پر کیا جائے گا، انہوں نے کہا کہ آئندہ چند ماہ وزارت اعظمی نئے وزیراعظم کے حوالے کردیں گے، بھارتی وزیراعظم نے امید ظاہر کی کہ نئے وزیراعظم کا تعلق بھی یو پی اے کے اتحاد سے ہوگا۔

من موہن سنگھ کا کہنا تھا کہ بی جے پی کے رہنما نریندر مودی وزیراعظم بن گئے تو ملک کے لئے تباہ کن ہوگا، انہوں نے کبھی استعفی دینے کے بارے میں نہیں سوچا، ہمیشہ اپنے کام کو انجوائے کیا، وزیراعظم کے منصب کو ملک کی خدمت کے لئے استعمال کیا دوستوں اور رشتے داروں کو فائدہ پہنچانے کے لئے نہیں۔

ریاستی انتخابات میں کانگریس کی شکست پر من موہن سنگھ کا کہنا تھا کہ مہنگائی میں اضافہ انتخابات میں شکست کا سبب بنا۔
       

Comments

comments

یہ بھی پڑھیں