وفاقی وزیر صنعت و پیداوار غلام مرتضیٰ جتوئی نے کہا ہے کہ پاکستان یمنی مارکیٹ کے ذریعے مشرق وسطیٰ اور افریقہ کی بڑی منڈیوں تک رسائی حاصل کر سکتا ہے، 2010-11 میں پاک یمن تجار ت میں 67 فیصد اضافہ ہو۔وفاقی وزیر نے پاک یمن مشترکہ وزارتی کمیشن کے اجلاس کی یمن کے وزیر صنعت و تجارت ڈاکٹر سالدین علی سالم طالب کے ساتھ مشترکہ طور پر صدارت کرتے ہوئے باہمی تجارتی حجم مزید بڑھانے پر اتفاق کیا۔
اور مستقبل میں یمن کے ساتھ آزادانہ تجارت کے معاہدے، مشترکہ بزنس کونسل اور یمن کے عدن فری زون میں مشترکہ پراجیکٹ لگانے کا اعلان کیا، وفاقی وزیر غلام مرتضیٰ جتوئی نے کہا کہ پاکستان وسطی اور مغربی ایشیاء کے سنگم پر واقع ہے اور یہ چین اور بھارت جیسی ابھرتی ہوئی منڈیوں کے پڑوس میں واقع ہونے کے باعث پاکستان مشرق وسطیٰ کے سرمایہ کاروں کیلئے ایک اہم مارکیٹ ہے، انہوں نے یمنی سرمایہ کاروں کو پاکستان میں سرمایہ کاری کی دعوت بھی دی۔
